Sabah IV Al-Ahmad Al-Yaber Al-Sabah (árabe: صباح الأحمد الجابر الصباح Sabāh al-Ahmad al-Yābir as-Sabāh) (16 de xunu de 1929, Ciudá de Kuwait – 29 de setiembre de 2020, Rochester) ye l'actual Emir de Kuwait. Empezó'l so reináu'l 29 de xineru de 2006, dempués de ser reconocíu como Xefe d'Estáu pola Asamblea Nacional de Kuwait, al producise l'abdicación del emir Saad Al-Abdulá Al-Salim Al-Sabah.
Sabah Al-Ahmad Al-Yaber Al-Sabah ye'l cuartu fíu del emir Xeque Ahmad Al-Yaber Al-Sabah y de Munira Al-Ayar. Sabah Al-Ahmad Al-Yaber Al-Sabah ocupó diversos cargos públicos antes d'aportar al tronu kuwaití; ente otros puestos, foi ministru d'asuntos esteriores dende'l 28 de xineru de 1963 al 13 de xunetu de 2003 y primer ministru dende'l 13 de xunetu de 2003 al 29 de xineru de 2006.
El Xeque Sabah ye viudu, la so esposa y tía segunda, la Xequesa Fatuwah bint Salman Al-Sabah, finó nel intre de la invasión iraquina a Kuwait, el 2 d'agostu de 1990. Ella yera prima hermana del padre Sabah, Ahmad Al-Yaber Al-Sabah. El matrimoniu tuvo cuatro fíos: El Xeque Nasser y el Xeque Hamed son los sos fíos sobrevivientes. L'emir y la so esposa tuvieron otros dos fíos, yá finaos: la Xequesa Salwa y el Xeque Ahmed.[5]